O Pleno da Corporación do Concello de Viveiro celebrará mañá unha sesión ordinaria ás 19.30 horas no Salón de Sesións da Casa Consistorial. A Corporación abordará a aprobación da acta da sesión celebrada o 3 de xuño, catro expedientes de recoñecemento extraxudicial de crédito, a modificación do orzamento relativa ao anexo de subvencións nominativas de 2026 e a aprobación da conta xeral correspondente ao exercicio 2025. Tamén se incluirá a proposta de cesión da Casa dos Mestres.

Ademais, o Pleno tratará unha moción do Grupo Municipal do BNG relativa ao peche de 36 camas no Hospital Público da Mariña, en Burela.

Por último, darase conta das resolucións da Alcaldía e da resolución de modificación das delegacións efectuadas na Xunta de Goberno Local, antes da quenda de rogos e preguntas.