As concentracións quincenais pola situación sanitaria de Viveiro continúan dado que a situación no centro de saúde da cidade sigue nunha situación de precariedade, con persoal facultativo sen substituír, citas para consultas ordinarias cunha demora dun mes ou máis e un solo pediatra para Viveiro, Vicedo e Ourol. Nestas condicións non se pode garantir que as persoas teñan unha asistencia sanitaria de calidade e consonte ás súas necesidades.

No lugar da concentración ubicouse novamente a mesa de recollida de sinaturas. Segundo nos confirma Samuel Fernández Bouza, “imos xa preto das catro mil, e isto continúa”.

No transcurso da concentración deuse lectura a un pequeno manifesto no que se destacaba tamen que o persoal sanitario de Atención Primaria de todo o país fará unha folga o día 26 de novembro para denunciar precariedade e o desmantelamento que sufre este nivel asistencial. Esta convocatoria de folga, explica Montse Porteiro, “non fai máis que confirmar o que este colectivo e a sociedade mariñá levamos denunciando desde hai anos”.