O Concello de Viveiro informa de que, no día de hoxe, fíxose efectivo o pago de 491.000 euros correspondentes a obrigas pendentes do exercicio 2024, derivadas da xestión do anterior equipo de Goberno.

Do total da contía, 427.600 euros corresponden a facturas incluídas en recoñecemento extraxudicial de crédito, mentres que 63.400 euros están destinados a subvencións nominativas dos exercicios 2023 e 2024.

Dende o goberno municipal sublíñase que se continúa a facer fronte aos compromisos herdados, coa vontade de regularizar os pagamentos pendentes cos provedores e entidades beneficiarias, ao tempo que se avanza cara a unha xestión económica máis ordenada e sostible.

Por outra parte, o Concello de Viveiro informa de que, durante dous días, non se poderá acceder ao vaso grande da piscina municipal por mor de labores de mantemento.

As actuacións realizaranse co obxectivo de garantir a seguridade e o correcto funcionamento das instalacións.