Un veciño de Viveiro aceptou un ano de cárcere por tenencia e distribución de pornografía infantil a través do teléfono móbil tras chegar a un acordo coa Fiscalía no Xulgado do Penal número 1 de Lugo.

Ao home, de nacionalidade española e sen antecedentes penais, pedíanselle en principio catro anos de prisión por esta circunstancia, pero finalmente non chegou a celebrarse o xuízo ao aceptar os feitos e asumir esa condena, aínda que non irá a prisión porque se lle suspendeu a execución da mesma ao ser esta inferior a dous anos.

Os feitos tiveron lugar en abril de 2021, cando o home enviou este vídeo a través de WhatsApp por erro a outra persoa, que o denunciou na Comisaría Nacional de Policía de Viveiro.

No vídeo víase a unha nena duns 12 anos masturbándose, pero sen que se recoñecese o rostro da mesma. No rexistro posterior do teléfono do home atopáronse outro tres vídeos tamén de contido pedófilo, con menores espidos mantendo relacións sexuais explícitas.