A área de Parques e Xardíns, dependente da Tenencia de Alcaldía, continúa co seu plan de reposición de árbores en diversos espazos urbanos co obxectivo de mellorar a contorna e recuperar eses exemplares perdidos por diversas causas como por exemplo, por enfermidades.

“Nos Xardíns Noriega Varela plantáronse catro novas árbores, mentres que na rúa Urban foron engadidas tres. Tamén se colocaron dúas árbores en Travesía, unha na contorna da estación de autobuses e dúas no Centro Comarcal. Ademáis, no Centro de Saúde está prevista a plantación de entre catro e cinco exemplares”, explica Miriam Bermúdez, tenente da alcaldesa.

Por outra banda, na zona da piscina municipal e na estrada de Celeiro instaláronse nove árbores. Aínda que, tal como explica a tenenta, “en algúns casos, a colocación viuse dificultada pola presenza de tocos verdes que non puideron ser retirados por completo”, engade.

Segundo Bermúdez, “esta actuación enmárcase dentro da estratexia da Tenencia de Alcaldía para a mellora dos espazos verdes, apostando pola sustentabilidade e a recuperación da masa arbórea na cidade”, explica.