O Partido Popular e Por Viveiro alcanzaron un acordo para a presentación dunha moción de censura no concello mariñán que converterá en alcaldesa á popular María Gueimunde, que na actualidade exerce de directoria territorial da Consellería do Mar para Celeiro-Lugo.

O pacto para arrebatar o bastón de mando á socialista María Loureiro foi selado no encontro mantido na tarde deste mércores, segundo confirmaron fontes presentes na negociación consultadas por Europa Press. A unión dos sete concelleiros populares e os dous de Por Viveiro sumarán unha maioría absoluta que supera ao actual Goberno, formado pola coalición dos 5 concelleiros do PSOE e 3 de BNG. En todo caso, o futuro goberno na localidade vivairense estará integrado en solitario polo PP, xa que o pacto con Por Viveiro cínguese ao seu respaldo á moción de censura.

Por Viveiro apoiou ao acabar as últimas eleccións á coalición de esquerdas, pero hai unhas semanas anunciou a ruptura co equipo de goberno, sobre o que dixo que “estaba desgastado, sen liderado, nin peso político”. O seu portavoz, Bernardo Fraga, alegou entón que non se cumpriron as demandas que asinaron para apoiar a investidura de Loureiro, alcaldesa de Viveiro desde 2013, cando relevou ao seu compañeiro de partido Melchor Roel.

En declaracións a Europa Press, Gueimunde avanzou que a moción de censura presentarase de forma inmediata para tentar “que non coincida con Entroido”, xa que a lei establece que será debatida, de forma automática, dez días despois do seu rexistro. “Farémolo canto antes porque temos dous anos e hai que empezar xa a traballar”, sentenciou a popular, que agradeceu a Por Viveiro a actitude mantida ao longo dunhas reunións “moi frutíferas”. as reunións foron “moi frutíferas”, nas que reinou unha boa sintonía. “Hai que recoñecer a Por Viveiro o paso que deu aparcando ideoloxías polo ben de Viveiro“, apostilou.

PPdeG CELEBRA O ACORDO

A secretaria xeral do PPdeG, Paula Prado, celebrou este xoves que o Partido Popular vaia a sumar a unha nova alcaldesa en Viveiro, a popular María Gueimunde, se prospera a moción de censura contra a socialista María Loureiro impulsada polo PP e Por Viveiro.

Preguntada polo acordo alcanzado, Paula Prado lembrou que o PP “gañou as eleccións” nesta localidade, na que se fraguou “un pacto de perdedores co único obxectivo” de que non gobernase a súa formación.

O resultado, conforme sinalou, foi “un goberno absolutamente paralizado”, unha situación ante a que “o PP asumiu a responsabilidade de darlle un impulso ao concello e pór en marcha un novo goberno que mire polos veciños e polas veciñas”.

“Iso si, pondo o interese dos veciños e das veciñas por encimad e interéselos partidistas”, afirmou Paula Prado, que sostivo que este é o obxectivo do novo goberno en Viveiro.