Este venres, 21 de febreiro, o Foro Social da Mariña organiza unha conferencia –
coloquio titulada: “ Da República ao golpe de 1936 “ (A Mariña, Viveiro e comarca ), a
cargo de Carlos Nuevo Cal, Cronista Oficial de Viveiro.

No acto falará sobre os grandes cambios e transformacións producidos pola
proclamación da República na nosa bisbarra; tamén da caida do réxime monárquico da
Restauración, así como da entrada nun tempo novo de grandes avances legislativos nos
eidos cívico, social e educativo que promoverían unha sociedade moderna, pluralista e
fondamente democrática que fomentou o auxe do asociacionismo a nível sindical:
agrario, mariñeiro e obreiro, ao igual que nos ámbitos politicos, culturais e recreativos.

Mais, esta sociedade eminentemente democrática e participativa, veuse frustrada a xullo de 1936, por mor do golpe militar, guerra e feroz represión que orixinou unha
importante regresión nas conquistas sociais e nas libertades individuais.

Na charla farase unha comparativa entre as pricipais poboacións da Mariña e os seus
ámbitos de influencia: Viveiro, Mondoñedo e Ribadeo – A Pontenova. Igualmente,
salientaranse os perfís socio – politicos de moitas das vítimas da represión na Mariña e as distintas violencias exercidas. O acto será ás 20:00 horas do serán no Salón de Usos Múltiples do Concello de Viveiro