InicioOccidentalViveiroSemana Santa dos Nenos en Viveiro

Semana Santa dos Nenos en Viveiro

"Esta celebración é unha garantía da continuidade da Semana Santa de Viveiro, que ten non só unha gran tradición e un gran pasado que segue máis vivo que nunca, senón tamén un gran futuro”, afirma a alcaldesa María Loureiro

Publicada o

- Advertisement -

O Concello de Viveiro colabora un ano máis coa Semana Santa dos Nenos, promovida polos veciños de Campo de Urraca, que se celebrará esta fin de semana, concretamente mañá e o sábado.


Máis de 200 cativos formarán parte dun dos actos máis emotivos da Semana Santa viveirense, declarada de Interese Turístico Internacional, e que mestura a través deste tipo de actividades tradición, devoción e colaboración cidadá.


“Esta celebración é unha garantía da continuidade da Semana Santa de Viveiro, que ten non só unha gran tradición e un gran pasado que segue máis vivo que nunca, senón tamén un gran futuro”, afirma a alcaldesa María Loureiro.

“A Semana Santa dos Nenos conta xa cunha notable traxectoria en si mesma, sendo un xeito marabilloso de implicar á cativada na celebración desta época tan importante para Viveiro”, destaca a rexedora.


O Concello de Viveiro colabora con esta cita aportando a merenda de todos os nenos e nenas que participan e o material necesario, ademais da organización e a loxística das procesións que discorrerán polas rúas da vila.


Segundo informa o Concello, o tráfico estará cortado á altura da praza Juan Donapetry e a Avenida de Cervantes o venres 5 de abril ás 18:00 horas e ata o paso da procesión, e de novo ás 19:00 na praza Juan Donapetry, no retorno da mesma cara a Campo de Urraca. Por outra banda, o sábado 6 de abril a praza xa mencionada volverá ter o tráfico curtado ás 18:00, para a saída da procesión, e ás 19:00, no seu retorno.

ÚLTIMAS

Manuel Arango: “O Certame de Teatro naceu do gusto que había en Lourenzá pola escena”

-Cal foi a raíz deste Certame de Teatro Amador en Lourenzá? Porque aquí en Lourenzá...

Javier Veiga: “Creamos esta rapa para dinamizar o lugar e que a xente se anive a vir”

-Por que se creou esta Rapa das Bestas de Neipín, na Pontenova, sendo esta...

Comeza o Ribadeo Indiano 2024 para esta fin de semana

Ribadeo vibra xa co Indiano 2024. A cor branca tingue xa as rúas e...

Foz celebrará este sábado as actuacións de Mallou e Habelas Hainas

sábado, día 13 de xullo, ás 22.30 horas na praza Rosalía de Castro...