InicioOccidentalViveiroViveiro actúa sobre un inmoble para evitar problemas de seguridade

Viveiro actúa sobre un inmoble para evitar problemas de seguridade

Publicada o

- Advertisement -

O Concello de Viveiro informa que actuou de maneira urxente no inmoble situado no número 23 da rúa Teodoro de Quirós, co fin de garantir a seguridade das persoas e previr ou evitar danos no espazo público. Por iso, procederase á retirada dunha galería de madeira e daquelas lousas con risco de caída sobre a vía pública.


O Concello de Viveiro adopta estas medidas, de forma subsidiaria, tras a tramitación dos pertinentes expedientes de orde de execución, nos que o titular da vivenda non deu resposta aos requirimentos realizados.


Neste sentido, quérese lembrar que o concello vén actuando de oficio ante situacións de seguridade, salubridade e ornato público, para aquelas edificacións nas que, por diferentes motivos, os titulares non atenden os requirimentos remitidos.


Antes de chegar á execución subsidiaria por parte do concello é preciso realizar unha tramitación previa, que comeza coa incoación dun expediente de orde de execución e que conleva unha serie de trámites previos e necesarios.


Son varias as vivendas que se atopan nesta situación e sobre as que o concello realiza un control e seguimento, co fin de tomar as medidas necesarias como vén de acontecer coa edificación situada en Teodoro de Quirós.


Cómpre sinalar que nos dous últimos anos, o Concello de Viveiro incoou máis 30 expediente de orde de execución e que, dentro do casco antigo, xa actuara de oficio noutras 4 ocasións, ademais de múltiples actuacións realizadas con persoal e medios propios co fin de garantir a seguridade da cidadanía.

ÚLTIMAS

Burela realiza melloras na canceira municipal xestionada pola Asociación Bigotes

O Concello de Burela vén de realizar unha serie de melloras na canceira municipal,...

Espectáculo ‘Sentir’ do Mago Rafa no Pastor Díaz de Viveiro

O Teatro Pastor Díaz do Concello de Viveiro acollerá a representación do novo espectáculo...

Viveiro realiza labores de mantemento nas cunetas de Naseiro

A Tenencia de Alcaldía de Viveiro, a través da Concellería de Medio Rural, realizou...

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...