O deputado provincial, Pablo Rivera Capón, avanzou que o a Deputación aprobou na xunta de goberno melloras por un importe de 333.000 euros en 13 quilómetros de cinco estradas no municipio de Ourol.
Logo da aprobación do investimento, abrirase o prazo para que as empresas interesadas en executar estes traballos presenten as súas ofertas.
As actuacións que se realizarán cos fondos provinciais son as seguintes:
-
7,9 quilómetros da LU-P-3801, que vai de Ourol ás Lobeiras polo Carmen, entre os puntos quilométricos 1,9 e 9,8.
-
1,6 quilómetros da LU-P-3802, que vai de Ourol á igrexa, entre os puntos quilométricos 0 e 1,6.
-
1,7 quilómetros da LU-P-6602, de Ruanova por Sixto a Muras, entre os puntos quilométricos 6,5 e 8,3.
-
450 metros da LU-P-3807, de Bravos por Foxo a San Pantaleón, entre os puntos 0 e 0,450.
-
850 metros da LU-P-3803, da Ponte Torta á Cruz das Leiras, entre os puntos quilométricos 0,9 e 1,7.