A Xunta deu por informado que o incendio forestal do municipio lucense de Ourol, parroquia de Sisto, quedou extinguido ás 11.05 horas deste domingo, tras calcinar 32,83 hectáreas.

Tal e como sinalou o Goberno galego nunha nota de prensa, o lume iniciouse ás 23.07 horas do pasado venres, 27 de marzo, e finalmente afectou a unha superficie de 32,83 hectáreas, todas elas rasas. Para a súa extinción, mobilizáronse un técnico, 14 axentes, 15 brigadas, 13 motobombas e unha pa.

Neste contexto, Medio Rural lembrou que está a disposición da cidadanía o número gratuíto 085, ao que deben chamar en caso de detectar algún incendio forestal. Ademais, apuntou que existe un teléfono anónimo e gratuíto para denunciar calquera actividade incendiaria da que se teña sospeita ou coñecemento: 900 815 085.