InicioOccidentalUn campamento concentrará as actividades da Romaxe Viquinga

Un campamento concentrará as actividades da Romaxe Viquinga

A asociación irlandesa Lake Vikings participará na cita, que o Concello impulsa o 27 e 28 de xullo

Publicada o

- Advertisement -

A tercera edición da Romaxe Viquinga do Vicedo, que será os días 27 e 28 de xullo, contará con novidades. Unha delas será a concentración das actividades, tralo desembarco, nun campamento central en lugar dos asentamentos cristián e viquingo dos anos anteriores.

O alcalde vicedense, Jesús Novo, sinala que isto permitirá “acabar cunha certa dispersión que se deu o ano pasado e facer máis cómoda a festa para quenes se acheguen a desfrutar da Romaxe Viquinga”, asegurou.

A presentación do evento contou coa presenza do delegado territorial da Xunta, José Manuel Balseiro, e dos artistas Enrique Domínguez e Andrea Pousa (Queiman & Pousa), os encargados de levar o peso organizativo da cita.

INTERCAMBIO GALICIA-IRLANDA

Os organizadores destacaron que a Romaxe Viquinga 2018 contará tamén cun intercambio cultural entre Galicia e Irlanda coa participación da asociación Lake Vikings de Dublín. O programa incluirá un torneo medieval, espectáculos de lume e enterramentos e vodas viquingas.

Novo asegurou que a cita “está deseñada para chegar ao maior número de xente posible”, para o que se presentará, ademais de na capital de provincia, o día 10 de xullo na Casa de Galicia de Madrid. O rexedor tamén recalcou a popularidade do pregoeiro, o actor Antonio Durán Morris, que está a triunfar a nivel nacional coa serie ‘Fariña’.

O CONCELLO PRESENTARÁ A CITA NA CASA DE CULTURA DE GALICIA, EN MADRID

Balseiro, pola súa banda, asegurou que “O Vicedo está de moda polo Fuciño do Porco e a Romaxe Viquinga, que o Concello fai un esforzo por organizar e que hai que vivila”.

CERTAME DE DEBUXO

Antes da presentación tivo lugar a entrega de premios do concurso de debuxo infantil Romaxe Viquinga. Establecéronse dúas categorías segundo a idade, e os gañadores foron Alba Pereira Martínez e Alberto Pedre Solloso. Ambos levaron un lote de libros como premio ao seu traballo.

ÚLTIMAS

O comité de Alcoa informa de que recibiu o interese de seis empresas na compra

O comité de Alcoa en San Cibrao informa de que a compañía recibiu o...

Viveiro retira os vehículos abandonados na vía pública

A tenenta de alcaldesa e responsable da área de medio ambiente do Concello de...

Ribadeo eliminará as barreiras arquitectónicas de la EMMeD

O Concello eliminará as barreiras arquitectónicas da EMMeD, que contará con ascensor e...

Barreiros encherá xuño cunha axenda cultural completa

O Concello de Barreiros, a través da súa concellaría de Dinamización, lanza o...