Un home foi auxiliado polos servizos sanitarios tras sufrir unha indisposición cando se atopaba no Fuciño do Porco, ruta situada no municipio do Vicedo.

Tal e como trasladou o 112 Galicia, recibiron unha chamada dun particular ás 14.15 horas deste sábado, na que se indicaba que un home se atopara mal e, posteriormente, desmaiara.

O afectado atopábase a uns 200 metros do lugar máis próximo ao que podía acceder a ambulancia.

Ata o punto desprazáronse membros do Servizo de Urxencias Sanitarias de Galicia 061, os bombeiros –por se era necesario rescatar o home–, Protección Civil e a Garda Civil.

Finalmente, o home puido desprazarse polos seus propios medios ata o punto onde se atopaba a ambulancia. Alí, foi atendido polos sanitarios.