O Concello do Vicedo organiza para este martes 3 de marzo, entre as 10:30h e as 13:30h, na Casa da Cultura do Vicedo unha nova edición de “A Administración cerca de ti”, onde técnicos da subdelegación do Goberno en Lugo se desprazan ao Vicedo para informar das xestións online que se poden facer nas entidades do estado e, sobre todo, podedes tramitar e obter no momento o certificado dixital ou a Clave Permanente.

Co fin de axilizar os tempos establecimos unha cita previa en turnos de 15 min. Se queredes asistir chamade ao 982 59 01 95 ou pasade pola Casa da Cultura e buscaremos unha hora libre. É unha boa oportunidade de obter rapidamente o certificado dixital  ou Clave Permanente.