Un dos obxectivos dos mércores de natureza é dar a coñecer non só o noso concello senón tamén as virtudes da nosa comarca, A Mariña de Lugo. Esta semana os mércores de natureza desprázanse a un entorno natural impresionante, a zona da praia das Catedrais, Rinlo e Ribadeo, seguindo o itinerario do Camiño Natural do Cantábrico, sempre pegado á costa, aínda que en sentido contrario ao habitual, para aproveitar a marea baixa da mañá e poder disfrutar das Catedrais.
O percorrido é duns 20 km moi planos, sempre ao lado da costa e que se fará ao longo de todo o día porque saímos en tren ás 10h do Vicedo, para iniciar a ruta ás 11h aproximadamente e regresaremos no tren que sae de Ribadeo ás 18:40h. Anotacións en 982 59 01 95 ou omix@concellodovicedo.org
--