A  Casa da Cultura acolleu este pasado luns o Concurso Gastronómico do Ourizo. Unha actividade que foi a antesala da XXIX edición da Festa que terá lugar o sábado 19 de marzo en San Cibrao.

En total, os hostaleiros participantes (Buenavista, O Faro, Aquelarre, A Bodega, As Titas e Maruxaina) presentaron 11 tapas ao certame (as bases permitían presentar dúas como máximo).

O xurado estaba composto por 3 cociñeiros da Mariña: Bruno Pena, Michel Cociña e Juan Rubiños.

As tapas premiadas foron:

1º Brazo de gitano (A Bodega)

2º Cestas de salpicón (O Faro)

3º Canutillos mar y montaña (O Faro)

Parabéns a todos eles, e moitas grazas a todos os participantes.

O 19 de marzo poderanse comprobar as habilidades culinarias destes hostaleiros locais e as do Noso Lar, que participará na Festa do Ourizo, pero non se puido presentar ao concurso gastronómico.