Os servizos xurídicos de Sargadelos e os das cinco traballadoras cesadas pola firma non chegaron a un acordo no acto de conciliación convocado tralos despedimentos.

As dúas partes estaban citadas ante o Servicio de Conciliación, Mediación y Arbitraje (SMAC), pero a xuntanza resolveuse sen un pacto. Segundo fontes da empresa, a firma rexeitou satisfacer a cantidade económica reclamada pola parte demandante, que solicitou unha indemnización pola vulneración de dereitos fundamentais.

A VÍA XUDICIAL, ÚNICA SAÍDA

Deste xeito, a vía xudicial resolverá os despedimentos. As obreiras presentarán unha demanda ao entender que hai razóns para declarar a nulidade dos cesamentos.

INCORPORACIÓNS NO PERSOAL

Ao longo desta semana, a empresa readmitiu a dúas das operarias despedidas durante o conflito laboral. A firma contratou tamén a persoal novo e baralla máis incorporacións para cubrir as vacantes das persoas que non serán readmitidas.