O Concello de Cervo adxudicou obras nos núcleos de Cervo, San Cibrao e Rúa. Trátase de actuacións no camiño da fonte cervense de San Roque, nas rúas Concepción Arenal e Penela, do casco sancibrense, e no camiño Plantío-Lagoa-Pena Esvaradía.

CERVO

No caso do acceso ao manancial cervense, o orzamento da obra ascende a 80.000 euros, dos que a Xunta de Galicia achegará a metade. Encargarase das actuacións Construcciones y Canalizaciones José Saá.

O ORZAMENTO DAS ACTUACIÓNS RONDARÁ OS 265.000 EUROS

SAN CIBRAO

No caso das dúas rúas de San Cibrao, o investimento será de 145.000 euros, que procederán integramente de fondos municipais. Carferlo S. L. será a empresa encargada das obras.

RÚA

A actuación en Rúa, que exectuará Excavaciones y Obras Marcos, S. L., enmárcase no Plan de Mellora de Camiños Municipais da Consellería de Medio Rural. O presuposto será de 39.632 euros. O goberno local prevé que as obras rematen antes de que acabe o ano.