O acto “Unha vela por ti” para celebrar o 25N no Concello de Cervo finalmente se celebrou na Casa do Mar debido ás condicións climatolóxicas, reuniu veciñanza, entidades e representantes municipais nunha xornada emotiva, de memoria e compromiso.

A alcaldesa Dolores García Caramés salientou que “a loita contra a violencia de xénero é unha responsabilidade colectiva; acendemos velas para lembrar, acompañar e tamén para manter viva a esperanza”.

Tivo palabras especiais para Adela e María José, dúas veciñas que permanecen na nosa memoria e que nos lembran a necesidade de non mirar cara outro lado.

O Concello agradeceu a colaboración de Mulleres en Igualdade Cervo, Saúde Mental A Mariña, ANPA CEIP Cervo, ANPA CEIP Península da Paz, así como á artista Verónica Cambón, que unha vez máis puxo voz e sensibilidade a este acto.

Tamén lembrou o traballo de Pilar, concelleira de Muller e Igualdade, e de todos os traballadores municipais que colaboraron na organización.

A recadación obtida destinarase á Vivenda Tutelada para mulleres vítimas de violencia de xénero con enfermidade mental da Asociación Saúde Mental A Mariña, porque apoiar, protexer e acompañar é tamén actuar. “Cervo non dará nin un paso atrás na defensa da igualdade e na protección das mulleres”.