O Concello de Cervo felicitou este sábado a María Adela Rouco Basanta, veciña de Viladesuso, que este día cumpre nada menos que un século.

María Adela celebrou esta data tan especial acompañada dos seus 4 fillos, 5 netos e 2 bisnetos, nun xantar familiar cheo de emoción e cariño. 

Mantense vital, activa e totalmente autónoma, cun humor envexable que contaxia a todos os que a rodean. 

Apaixonada da cociña, continúa gozando de estar entre os fogóns e de preparar un bo cocido, do que é mestra indiscutible.

Ata o restaurante onde estaban de celebración, achegouse a alcaldesa, Dolores García Caramés, para entregarlle un ramo de flores en nome de toda a veciñanza e trasladarlle os máis agarimosos parabéns polo seu centenario.