A alcaldesa de Cervo, Dolores García Caramés, achegouse este domingo ata a vivenda de María Herminia Crego Casas, veciña de Castelo, para felicitala polos seus 101 anos.

Nun momento tan especial, fíxolle entrega dun  ramo de flores e transmitiulle o cariño de todo o Concello e da súa veciñanza.

Parabéns, Herminia! Que continúes gozando de boa saúde, facendo gala desa retranca, e vivindo moitos momentos felices rodeada da túa familia e seres queridos. 

A data exacta do aniversario foi o 22 de outubro pero hoxe celebrou unha comida con toda a súa familia para celebralo.