O vindeiro martes, 4 de febreiro, é o Día Mundial Contra o Cancro.

E desde o Concello de Cervo en colaboración coa asociación de Xubilados Terramar, convidamos a toda a veciñanza a participar ese día nunha charla sobre vida saudable e alimentación baixo o título “a alimentación como factor protector fronte ao cancro” que impartirá a nutricionista Cristina Rodil. 

Será ás 16:30 horas, no local social de Terramar, na Casa do Mar; a continuación as persoas asistentes poderán desfrutar dunha degustación saudable.

O Concello de Cervo pide participar nestes actos “porque unha dieta pode influír no risco de padecer un cancro, na resposta ao tratamento, e na calidade de vida durante e despois da enfermidade”.