‘Queremos ser Libres`é o título da mostra que inauguramos este mediodía na Casa da Cultura da fotógrafa Diana Fajardo.
Unha exposición cargada de historias, empatía e sensibilidade para concienciar e poñer o foco sobre a lacra da violencia de xénero que invita á reflexión sobre esta dolorosa realidade, tal e como sinalou a alcaldesa, Dolores García Caramés.
Vinte instantáneas compoñen esta mostra que se poderá visitar desde este mesmo luns na Casa da Cultura.
Ademais este domingo tamén tivemos a oportunidade de visionar o resultado do taller de fotografía de Luz Negra que impartiu na tarde de onte dirixido ás crianzas e tamén para personas adultas.
Libres e valentes foron algunhas das mensaxes que tintaron nos seus corpos Parabéns e graciñas a todos os participantes e a Diana por compartir a súa óptica con todos nós.
E este luns ás 19:00 horas na Praza Nardo Martínez agardámoste no acto solidario Unha Vela por Ti, en colaboración coa asociación Mujeres en Igualdade de Cervo.