O Concello de Cervo reabrirá no verán as piscinas -unha delas infantil- da urbanización de Río Covo despois dun ano sen servizo. Estas semanas estanse a realizar traballos de acondicionamento das instalacións, que os usuarios poderán utilizar nos meses de xullo e agosto.

A razón da reapertura é o maior número de socorristas cos que contará o municipio durante o estío. “O ano pasado só puidemos contar con cinco profesionais para velar pola seguridade dos bañistas, e a nosa previsión é que para este 2018 teñamos sete”, indica o alcalde de Cervo, o popular Alfonso Villares.

PISTAS DE SQUASH E TENIS

O rexedor cervense sinalou que “a veciñanza poderá facer uso tanto das piscinas como das pistas de squash, de fútbol sala e de tenis que forman o complexo”, sinala.