O grupo A Rebolaxe, en colaboración co Concello de Cervo, organizará unha festa de San Xoán en San Cibrao. Será o 23 de xuño, a partir das 19.30 horas.

O colectivo organizará xogos populares para nenos e adultos, e haberá pancetada, chourizada e salchichas. A partir da unha da mañá comezará o concerto do grupo de versións Mi Rollo es el Rock.

Tamén se sorteará unha cesta de produtos típicos, ás doce e media da noite. Asistiron á presentación do evento, fronte ao Museo Provincial do Mar, o alcalde de Cervo, Alfonso Villares, a edil de cultura, Dolores García, e representantes de A Rebolaxe.