O feminismo mariñao manifestouse este martes en contra da violencia machista. Mondoñedo, Burela e Viveiro acolleron concentracións en protesta polo asasinato dunha muller polo seu marido en Cabana de Bergantiños.

En Viveiro, a convocatoria contou coa corporación municipal ao completo, que pospuxo o pleno extraordinario celebrado este martes para acudir á convocatoria. En Burela, o Observatorio da Mariña Pola Igualdade levou á Praza da Mariña a súa batucada feminista.

A Praza do Concello de Mondoñedo acolleu a terceira xuntanza na Mariña Lucense, que se uniu a máis dunha vintena de concentracións en toda Galicia.