O feminismo da Mariña Lucense deixouse notar este domingo na manifestación unitaria convocada por Galegas 8M para reivindicar o papel da muller nos coidados, tantas veces invisibilizados non remunerados, e a importancia na sociedade da atención ás persoas dependentes.

Segundo o colectivo organizador participaron na protesta unhas 5.000 persoas, moitas das cales chegaron en 26 autobuses fletados desde todos os recunchos de Galicia, tamén por suposto da bisbarra. A vila de Verín foi escollida como sé do acto reivindicativo despois da loita social, finalizada con éxito, contra a decisión da Xunta de pechar o paridoiro verinés.

Tamén con motivo do Día Internacional da Muller, que se celebrará o vindeiro 8 de marzo, o feminismo mariñao prepara unha manifestación en Foz. Podes ler a crónica completa da protesta nesta ligazón do Galicia Confidencial.