InicioMovementos SociaisDenuncian que o Sergas eludiu facer seguimento dunha operación derivada a un...

Denuncian que o Sergas eludiu facer seguimento dunha operación derivada a un centro privado

A plataforma sanitaria advirte que só hai pactada unha revisión por intervención e mostra o caso dunha paciente que debeu acudir á Valedora do Pobo

Publicada o

- Advertisement -

A Plataforma na Defensa da Sanidade da Mariña denunciou o caso dunha paciente  cunha artrosis no ombreiro dereito que foi derivada polo Servizo Galego de Saúde (Sergas) a un centro privado para a operación que precisaba e que só recibiu seguimento da intervención cirúrxica tras presentar unha reclamación ante a Valedora do Pobo.

O colectivo expón que a paciente, L. M. R., de Rinlo, pasou polo quirófano en xaneiro de 2018, unha intervención máis complexa do previsto, xa que a doenza afectaba ao labrum da articulación do ombreiro. A doente foi citada para retirar os puntos e, aos dous meses, para un control postcirúrxico. Despois desta consulta soubo que rematara o proceso, posto que, segundo denuncia a plataforma sanitaria mariñá, o Sergas só ten pactada unha revisión das intervencións que deriva aos centros privados.

Segundo asegura a plataforma, a paciente pediu daquela cita para revisión con Traumatoloxía, solicitude denegada posto que no informe do centro onde foi operada non especificaba que tiña que ter seguimento médico. A doente contactou entón coa Valedora do Pobo, que admitiu a súa reclamación.

Finalmente, a paciente recibiu cita de control e seguimento do seu proceso para o vindeiro 22 de xuño no servizo de Traumatoloxía do Hospital Universitario Lucus Augusti (HULA).

O colectivo mariñao considera “vergoñenta” a situación e asegura que se trata dun caso de “corrupción sanitaria”.

Veciños de Valadouro e Alfoz reclamaron un servizo de pediatría. AXM

VALADOURO E ALFOZ RECLAMAN PEDIATRA

Veciños e veciñas dos municipios de Valadouro e Alfoz solicitaron no centro de saúde valadourense, a onde se desprazou a unidade de asesoramento ás reclamacións da plataforma sanitaria, un servizo de Pediatría para a zona. Na actualidade, deben desprazarse ata Foz, onde hai unha soa profesional con reducción de xornada.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...