InicioM.ambiente e PatrimonioEspeleólogos estudarán esta fin de semana as furnas mariñas da zona do...

Espeleólogos estudarán esta fin de semana as furnas mariñas da zona do Perdouro

Burela acollerá o sábado e mailo domingo a 53 edición do Campamento Galego de Espeleoloxía

Publicada o

- Advertisement -

Burela acollerá os días 5 e 6 de setembro o LIII Campamento Galego de Espeleoloxía. Nesta edición estudaranse as furnas mariñas da zona do Perdouro.

O concelleiro de Turismo, o socialista Ramiro Fernández Rey, explicou que “imos contar con varios espeleólogos que van a facer un estudio das furnas mariñas que temos na zona do Perdouro. Entendemos que é una boa oportunidade para seguir coñecendo todo este legado e esta zona xeolóxica que tan bos resultados nos está dando en canto a visitas e turistas durante todo o ano”.

Os obxectivos do campamento, con 20 prazas, serán:

  1. Localizar e xeoreferenciar as furnas da zona do Perdouro en Burela.
  2. Topografar a que sexa posible.
  3. Presentar os resultados acadados.

POTENCIAL TURÍSTICO A EXPLOTAR

O edil burelao contou que “o que nos vai facilitar este encontro é estudar un pouquiño todas estas furnas que temos sen estudar. Van entrar nelas e vamos ver o que nos podemos encontrar alí e de qué maneira nun futuro poderemos chegar a explotalas turisticamente”.

Fernández Rey engadiu que “este campamento vai celebrarse durante toda a fin de semana, sábado e domingo, e esperemos que os resultados destas xornadas sexan positivos para Burela, que poidamos encontrar cousas interesantes e que poidamos explotar incluso turisticamente e xeoloxicamente tamén, porque seguro que saen cousiñas moi interesantes. Desde o Concello estamos brindando toda a colaboración posible, estamos poñendo os medios para que poida facerse dunha maneira segura e poidamos aprender de todo o potencial que temos aquí”, concluíu.

ÚLTIMAS

O PP ofrece unha suba importante de votos na Mariña segundo os datos do 18F

Galicia é diversa. A nosa terra é un territorio onde nada ten que ver a...

Cervo recupera a panorámica da Atalaia derrubando parte do esqueleto dun edificio

O Concello de Cervo inicia este ano 2024 acadando un obxectivo ambicioso perseguido desde...

A concelleira de Cultura de Foz cre que o PP quere acabar co Entroido

A concelleira de Cultura en Foz, Inés López Couto, manifesta que “os intereses partidistas...

O TS estuda este mércores o recurso da defensa da viaxe de ‘El Pequeño Nicolás” a Ribadeo

O Tribunal Supremo (TS) estudará este mércores o recurso que presentou a defensa de...