InicioM.ambiente e PatrimonioConstrúen unha caseta de formigón ao pé da igrexa de San Pedro,...

Constrúen unha caseta de formigón ao pé da igrexa de San Pedro, en Riotorto

Os PSdeG cre que a edificación, que servirá para incinerar coroas, "non se axusta á legalidade"

Publicada o

- Advertisement -

O PSdeG de Riotorto denuncia a construción dunha caseta de formigón a carón da antiga igrexa de San Pedro. A edificación utilizarase para incinerar as coroas das cerimonias relixiosas que se celebran no santuario.

Os socialistas consideran que é “é unha barbaridade construír con formigón nesta contorna” e resaltan “o esforzo que custou á veciñanza de Riotorto manter esta mostra de arquitectura barroca ao longo dos anos”.

O TEMPLO ESTIVO 65 ANOS PECHADO E FOI PRECISO UN INVESTIMENTO DE 80.000 EUROS PARA QUE VOLVESE PRESTAR SERVIZO

MONUMENTO DO SÉCULO XVII

O templo, do século XVII e no que destaca a torre-campanario do 1762, estivo máis de 65 anos pechado, nun estado de deterioro. O grupo municipal do PSdeG lembra que foi necesario un investimento de 80.000 euros, cunha achega da Deputación de Lugo, para recuperar o monumento, “un sinal de identidade do noso municipio”.

“NON CUMPRE A LEI”

O secretario do grupo municipal socialista, José García Freije, sinala que “sorpréndenos que a Xunta de Galicia e o bispo autoricen esta caseta” e cre que “non se axusta á legalidade porque non cumpre coa normativa vixente en canto á distancia de novas construcións respecto do patrimonio”.

O PSoe riotortense considera que non mantén a distancia respecto do patrimonio estipulada na normativa

QUEIXAS DE VECIÑOS

García Freije asegura que recibiu “moitas queixas dos veciños” por este motivo e pide explicacións ao alcalde, o popular Clemente Iglesias, sobre “este esperpento e canto nos vai custar aos riotortenses”.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...