InicioM.ambiente e PatrimonioA ruta Rueta-Sargadelos seduce a máis de cincuenta participantes

A ruta Rueta-Sargadelos seduce a máis de cincuenta participantes

O percorrido partiu do castro para seguir pola beira do río Xunco, na que se atopan varios muíños

Publicada o

- Advertisement -

Máis de cincuenta persoas percorreron o primeiro dos roteiros no municipio de Cervo impulsados por Fervenza de Sargadelos e Mariña Patrimonio, que contan coa colaboración do Concello. A iniciativa foi un éxito, pois esgotáronse as prazas ofertadas polas dúas asociacións organizadoras e participaron persoas de todas as idades, mesmo crianzas de tres anos.

Os seindeiristas comezaron o percorrido cunha visita ao castro de Rueta. Alí poideron coñecer as características do antigo asentamento e as lendas que rodean lugares da contorna como O Cabaliño ou o Furado das Pombas. Tamén admiraron o petróglifo atopado na zona.

Os participantes recibiron explicacións do patrimonio cultural e natural que visitaron.

A continuación, os camiñantes partiron cara Sargadelos. Seguiron a beira do río Xunco para completar a ruta dos Muíños, que rematou no conxunto histórico-artístico, coas antigas fábricas de cerámica.

PRÓXIMO ROTEIRO

Os roteiros impulsados en Cervo por Mariña Patrimonio e Fervenza de Sargadelos teñen como obxectivo mostrar o patrimonio arqueolóxico e natural do municipio. O seguinte traxecto, que permitirá desfrutar do castro da Senra ou doutro paraxe emblemático como a Fraga de Trasbar, celebrarase o 27 de outubro. O percorrido precisará dunhas seis horas, e desenvolverase en xornada de mañá e tarde.

A data límite para anotarse é o día 23. A ruta custa cinco euros, un prezo que inclúe seguro e desprazamentos en autobús. Anotan nos correos electrónicos fervenzadesargadelos@gmail.com e mr.patrimonio@gmail.com.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...