InicioM.ambiente e PatrimonioRibadeo busca a 113 propietarios que incumpren a lei de incendios

Ribadeo busca a 113 propietarios que incumpren a lei de incendios

O Concello publicou a través do BOE e do DOG as parcelas con donos sen identificar

Publicada o

- Advertisement -

O Boletín Oficial do Estado (BOE) e o Diario Oficial de Galicia (DOG) publican este mércores a listaxe das 113 parcelas con dono sen identificar que están a incumprir a lei de incendios de Galicia no municipio de Ribadeo. O goberno local tenta deste xeito atopar aos propietarios destes terreos, que non manteñen as faixas de protección que estipula a normativa, de alomenos 50 metros entre as especies pirófitaseucalipto, piñeiro, acacia– e as vivendas.

15 DÍAS DE PRAZO

O alcalde de Ribadeo, o nacionalista Fernando Suárez Barcia, sinala que os titulares desas propiedades “dispoñen de 15 días naturais para cumprir cos requisitos que establece a lei”. O rexedor lembra que, se os propietarios non teñen as súas parcelas acorde coa normativa, o Concello “executará a limpeza das mesmas de forma subsidiaria”, con cargo aos donos, que ademais deberán custear o investido no helicóptero utilizado para revisar os terreos.

o goberno local advirte aos titulares que teñen 15 días naturais para limpar os montes

O goberno local enviou a principios do pasado mes de agosto os requerimentos aos propietarios das 405 parcelas do municipio que non están ao día coa lei de incendios. En 113 casos, indica o rexedor, “os datos rexistrados no Catastro non están actualizados ou figuran a nome de persoas que xa están falecidas ou a nome de herdeiros, e con estes datos o servizo de Correos non entrega as cartas. Iso non é culpa nosa, de xeito que facemos o que procede en dereito administrativo, a notificación a través do BOE e do DOG”.

“HAI MOVEMENTO”

O Concello si identificou aos donos de 292 terreos. O rexedor explica que, desde a chegada dos requerimentos, “hai moita xente que nestes días está a cumprir. Algúns fan alegacións indicando que xa teñen vendida a madeira, pero que o madeirista aínda non lles puido ir cortar ou que lles está cortando. Hai movemento e iso é positivo para todos”, subliña.

o alcalde sinala que desde o envío dos requerimentos “houbo moita xente que cumpriu”

Suárez Barcia reitera a súa petición de que a veciñanza cumpra “coas súas obrigas, porque se non habémolo facer desde o Concello como unha vía subsidiaria. Non queremos chegar a iso pero queremos dicirllo outra vez a todo o mundo para que non haxa ningún problema, e ademais por respecto a todos aqueles propietarios que si cumpriron e están cumprindo”, concluíu.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...