InicioM.ambiente e PatrimonioO parque eólico de Pena Ventosa achegará 1,2 millóns anuais a O...

O parque eólico de Pena Ventosa achegará 1,2 millóns anuais a O Vicedo

A Xunta autoriza a construción da instalación, que Endesa comezará "en breve" cun investimento de 7,9 millóns

Publicada o

- Advertisement -

A Xunta de Galicia tramitou a autorización da construción do parque eólico reformado Pena Ventosa, ubicado no Vicedo. Así, a empresa promotora, Endesa, comezará “en breve” o levantamento da instalación, cun investimento de 7,9 millóns de euros.

A Consellería de Economía, Emprego e Industria deu o visto e prace ao novo parque, que terá unha potencia contrastada instalada de oito megavatios (MW). A instalación terá catro aeroxeradores de dous MW fabricados en Viveiro. Cada un dos muíños contará cun rotor tripala de 90 metros de diámetro, sobre unha torre de 78 metros de altura. A enerxía que produza encamiñarase á subestación de Pena Ventosa, que se alimenta nestes intres dunha liña xa en servizo.

No tocante ao beneficio económico que suporá a instalación para as arcas do municipio vicedense, a empresa promotora achegará 1,2 millóns de euros en concepto de impostos locais e canon eólico.

No tocante ás vantaxes medioambientais da instalación, Endesa calcula que a produción eléctrica do novo parque evitará cada ano a emisión á atmosfera de 15.479 toneladas de dióxido de carbano (CO2), 35 toneladas de dióxido de xofre (SO2) e 44 toneladas de óxido nitroso (NOx).

EMPREGO

Tanto a empresa como o Goberno galego destacan que o proxecto suporá a creación de 48 empregos na súa fase de construción, aos que cómpre engadir outros dous de operación e mantemento nos seus trinta anos de vida útil.

PRESENTACIÓN

O delegado territorial da Xunta en Lugo, José Manuel Balseiro, e o alcalde do Vicedo, Jesús Novo, desprazáronse ata o lugar do Carranco, ao este da Serra da Faladoira, onde estará emprazado o futuro parque. Alí foron recibidos polo director xeral de Endesa na zona Noroeste, Miguel Temboury, polo responsable de Desenvolvemento de Negocio de Enel Green Power España no Noroeste, Manuel Gago, e por Luis Ovalle, encargado da execución de proxectos.

A PROVINCIA, LÍDER

Balseiro asegurou que a provincia de Lugo liderará o desenvolvemento eólico galego nos próximos anos. De feito, explicou que esta provincia agrupa o 62% dos proxectos que xa foron declarados de especial interese (16 en total), entre os que se atopa o que hoxe se presenta.

ÚLTIMAS

Alcoa ten o apoio dos accionistas para comprar a australiana Alumina Limited e ter todo o complexo de San Cibrao

Os accionistas de Alcoa, cun apoio do 99% dos presentes en xunta especial, apoiaron...

O pleno de Ribadeo abordará a seguridade na vila e outros temas como a Pancha

Pancha, seguridade, miradoiro de Loctudy e 4º Plan de Igualdade centrarán o pleno que...

Furgonetas ‘cero emisións’ para a brigada de obras de Viveiro

Tenencia de Alcaldía do Concello de Viveiro informa da compra de dúas novas...

Bandeira azul á Praia de Area en Viveiro

O Concello de Viveiro informa á veciñanza de que esta mañá procedeuse ao izado...