A carpintería de ribeira de San Cibrao, que ostenta Francisco Fra, acollerá o martes 28 de agosto unha conferencia sobre o avistamento de baleas preto da costa sancibrense.
Impartirá a charla o estudante de bioloxía Anxo Cao, que traballou como guía de avistamento de baleas nas illas Azores. Así, o experto falará sobre a tipoloxía e morfoloxía destes cetáceos, a súa caza ou o estado actual das especies.
o 14 de xullo, o patrón do veleiro carrao avistou catro rorcuais comúns a 25 millas da costa sancibrense
O pasado martes 14 de agosto, Ramón Rivas, patrón do veleiro Carrao, avistou a unhas 25 millas de San Cibrao catro baleas xuntas, probablemente rorcuais comúns. O navegante veu uns 30 surtidores nunha travesía perpendicular á costa, o que, segundo a Coordinadora para o Estudo dos Mamíferos Mariños (Cemma), demostra que estes animais atoparon grandes cantidades de alimento na zona.
CENTRO AZUL
A actividade enmarcarase no impulso da cultura mariñeira á que aspira o Asteleiros Fra, galardonado co distintivo de centro azul que concede a Asociación de Educación Ambiental y del Consumidor (Adeac).
PORTO BALEEIRO MEDIEVAL
San Cibrao foi ao longo dos séculos un porto baleeiro que chegou a recibir 30 baleas anuais. Os primeiros escritos desta práctica remóntanse aos séculos VIII e IX, se ben o seu apoxeo foi entre o XIII e o XIV.