InicioM.ambiente e PatrimonioRematan as auditorías das praias que impulsa a Deputación

Rematan as auditorías das praias que impulsa a Deputación

O obxectivo das probas é constatar que se cumpren os requisitos do certificado medioambiental ISO 14.001

Publicada o

- Advertisement -

A Deputación de Lugo anunciou que remataron as auditorías internas efectuadas para manter o distintivo da certificación medioambiental ISO 14.001. As probas finalizaron o pasado xoves en Burela, tras deterse en Ribadeo, Foz e Viveiro. Os resultados poranse en común este venres no Cenima de Foz

As avaliacións consistiron na análise do estado das augas e dos areais dos municipios citados. O obxectivo é revisar o grao de cumprimento dos requisitos establecidos na lexislación para obter o distintivo medioambiental, que garante unha correcta xestión da contorna.

INVESTIMENTO

O goberno provincial inviste neste proxecto un total de 17.768 euros, dos que 10.781 son para consultoría e asesoramento e 6.897 para a fase de certificación.

O deputado de medio ambiente, Argelio Fernández Queipo, destacou que “ISO 14.001 é un distintivo que vai máis alá da bandeira azul, que se rexe por leis da Unión Europea (UE), co que logramos praias de auténtica calidade ao garantir o cumprimento de regulamento máis esixente e prestixioso da UE, o Eco-Management and Audit Scheme (Emas)”. A diferenza da Q de Calidade, que atende ás demandas dos turistas que marcan as empresas, este distintivo atende as leis medioambientais”, concluíu.

OBXECTIVOS

A Deputación puxo en marcha o proxecto da certificación medioambiental en 2009, nun esforzo por garantir que as praias mariñás foran un referente de calidade en España. Con este apoio, o goberno provincial establece tres obxectivos: a xestión das praias como un verdadeiro servizo público, lograr unha tarxeta de presentación da provincia de Lugo que marque diferenzas; e facilitar o acceso a futuros fondos europeos, grazas ao cumprimento das normas comunitarias.

ÚLTIMAS

Montse Porteiro: “sabemos que sanitariamente esta comarca está cualificada de difícil cobertura”

-Cales son as circunstancias detrás das concentracións en Ribadeo e O Valadouro? En Ribadeo, e...

Concentración no Valadouro reclamando a cobertura das prazas médicas

Unha concentración de 500 persoas segundo a Plataforma pola Sanidade Pública da Mariña, concentráronse...

Cortada por obras desde o martes ata o venres a estrada LU-P-2007, en Foz

A estrada LU-P-2007 no municipio lucense de Foz quedará cortada desde o martes ao...

Fran Cajoto: “Os ‘Cantos na Taberna’ son unha maneira de preservar o noso patrimonio’

-De onde parte esta iniciativa de 'Cantos na Taberna' de Foz? Isto parte dunha iniciativa...