InicioM.ambiente e PatrimonioO Concello trocará a súa parte da Torre dos Moreno pola antiga...

O Concello trocará a súa parte da Torre dos Moreno pola antiga Casa de Telefónica

O goberno local cederá o 21% da titularidade do monumento polo edificio rehabilitado, ao que trasladará o xulgado de paz

Publicada o

- Advertisement -

Na procura dunha solución para a situación de semi ruína da Torre dos Moreno, o Concello de Ribadeo permutará a parte da propiedade municipal do inmoble –o 21,25%– pola antiga Casa de Telefónica, un edificio situado na praza de Abaixo. A intención do goberno local, que informou á xunta de portavoces desta proposta, é trasladar a esta edificación o xulgado de paz ribadense, dado que as actuais instalacións están nun pésimo estado.

A Torre dos Moreno pertence nun 60% á empresa Paisajes de Asturias, nun 21% ao Concello e nun 19% a donos sen identificar. A propietaria maioritaria mostrou a súa intención de adquirir a titularidade total do edificio, que supón polo seu estado un problema de seguridade pública, con algunhas zonas que presentan riscos de desplome.

segundo o peritaxe, a rehabilitación da torre custaría 5,15 millóns de euros, dos que o goberno local debería achegar 1,1

Así, Paisajes de Asturias plantexou o troco ao Concello, que deu o visto bo tras consultar aos técnicos municipais. Segundo o acordo entre goberno local e a empresa, a firma deberá entregar a antiga Casa de Telefónica rehabilitada.

O alcalde de Ribadeo, Fernando Suárez Barcia, explica que “esta permuta conta co informe favorable dos técnicos e xurídicos municipais posto que o importe entre o achegado e o recibido é favorable ao interese público do concello”.

A COMPRA DO INMOBLE, DESCARTADA

O Concello descartou outras posibilidades por inasumibles para as arcas municipais, como a compra do porcentaxe da titularidade en mans de Paisajes de Asturias para a reforma ou a colaboración na súa rehabilitación integral.

INFORME

Segundo o informe co que conta o goberno local, “os forxados, con armaduras á vista, requiren unha actuación inmediata”, así como “todas as cubertas planas” e tamén “as fachadas, posto que as caídas dalgúns elementos prodúcense de forma constante”. Así, segundo o peritaxe, o prezo da reparación ascendería a 5.147.999 euros, dos cales correspondería ao municipio o pago de 1.093.949 euros.

Con todo, Suárez Barcia non pecha a porta a que a Xunta de Galicia si poda asumir a parte da propiedade municipal, “dado que o Executivo autonómico si que ten infinitamente mais recursos económicos e competencias legais para facerlle fronte á conservación e uso desde edificio”.

XULGADO DE PAZ

O alcalde ribadense mostrouse crítico co Goberno galego ao lembrar que “non fructificou acordo ningún coa Xunta para que nos axudase a rehabilitar o actual xulgado de paz, tal e como demandan desde hai tempo os sindicatos de funcionarios da administración galega”. O local tivo nos últimos anos problemas de humidades ou co suministro eléctrico

Segundo asegura o goberno local, o Executivo Autonómico só se comprometeu a achegar 26.000 euros dos 191.000 que custaría a reforma do edificio. Por iso, o Concello aposta por trasladar o servizo ao inmoble recibido en troco. 

Podes ler aquí a proposta da alcaldía. Proposta de Alcaldía permuta Torre dos Moreno maio de 2018

ÚLTIMAS

Burela realiza melloras na canceira municipal xestionada pola Asociación Bigotes

O Concello de Burela vén de realizar unha serie de melloras na canceira municipal,...

Espectáculo ‘Sentir’ do Mago Rafa no Pastor Díaz de Viveiro

O Teatro Pastor Díaz do Concello de Viveiro acollerá a representación do novo espectáculo...

Viveiro realiza labores de mantemento nas cunetas de Naseiro

A Tenencia de Alcaldía de Viveiro, a través da Concellería de Medio Rural, realizou...

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...