InicioM.ambiente e PatrimonioBurela abre o prazo para anotarse nas xeorutas, que comezan o día...

Burela abre o prazo para anotarse nas xeorutas, que comezan o día 26

O programa, con tres itinerarios diferentes e 20 prazas por grupo, rematará o 16 de setembro

Publicada o

- Advertisement -

O Concello de Burela abriu o prazo para anotarse nas xeorutas, que organizará do 26 de xuño ao 16 de setembro. Os interesados en inscribirse poden facelo no teléfono 982.58.60.00, no blog rutasxeoloxicasdegalicia.blogspot.es ou na web www.turismoburela.org. Cada ruta terá un máximo de 20 prazas.

Ademais dos dous roteiros ofertados o ano pasado, A Marosa e O Perdouro, o goberno local incorpora este ano unha nova ruta, a do Cantiño. “Nela temos formacións rochosas que son moi interesantes e dignas de ver”, asegurou na presentación do programa Noelia Ben, a edil de medio ambiente. Tamén acudiron ao acto Ramiro Fernández, concelleiro de turismo, e o alcalde, o socialista Alfredo Llano.

DE BALDE E ASEQUIBLES

Todas as rutas son de balde e teñen unha lonxitude a cubrir de entre 3,2 e 7,8 quilómetros, cunha dificultade baixa. Os participantes poderán coñecer a orixe das acanaladuras ou tafonis, descubrir estruturas xeolóxicas de máis de 300 millóns de antigüidade ou o proceso de formación de cavernas e arcos rochosos.

Tríptico informativo. AXM

TERCEIRO ANO

É o terceiro ano que o Concello ofrece os roteiros. “Está funcionando moi ben desde que a puxemos en marcha”, explicou Fernández, que resaltou que “queremos que sexan unhas rutas nas que prime a calidade da visita e non a cantidade, de aí que haxa 20 prazas de límite por cada unha”.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...