O Concello de Mondoñedo restaurará dez fontes e tres lavadoiros do municipio, principalmente aqueles que están situados no traxecto do Camiño norte de Santiago.

As actuacións, que o goberno local estima en preto de 18.000 euros, contan con fondos do Ministerio de Cultura, que ofrece axudas para proxectos de conservación, protección e difusión de bens declarados como Patrimonio Mundial, como é o caso da ruta.

Os mananciais que serán rehabilitados serán as fontes da Alameda, de Cega de Maariz, de San Pedro da Torre, de San Juan, do alto de Lindín, do Sapo, da igrexa vella de Lindín, de Cesuras, a Fonte Vella e a do Río do Sixto. Tamén se actuará nos lavadoiros de Lindín, do Río do Sixto e do barrio dos Muíños.