InicioEn ProfundidadeA asemblea de persoal de Sargadelos destitúe á sindicalista da UXT

A asemblea de persoal de Sargadelos destitúe á sindicalista da UXT

O sindicato asegura que impugnará a xuntanza, na que 45 das 61 operarias votaron pola revocación

Publicada o

- Advertisement -

Con 45 votos a favor dun total de 61 escrutados, a asemblea de persoal de Sargadelos destituíu este venres á sindicalista da Unión Xeral de Traballadores (UXT), Rogelia Mariña.

Houbo 11 votos en contra da revocación e catro en blanco, ademais dun sufraxio nulo. Unha vez se comunique o resultado á Oficina Pública Estatal de Eleccións Sindicais, a seguinte persoa máis votada nas últimas eleccións -afiliada a Comisións Obreiras (CC OO)- ocupará o seu cargo, de xeito que CC OO será a única central con representación en Sargadelos, con tres delegadas.

“ORGULLOSA”

“Estou orgullosa de que me revocasen por suxerir que defendería ás traballadoras“, asegurou Mariña á saída da asemblea, en alusión ao motivo que esgrimiu o conselleiro delegado, Segismundo García, para anunciar 49 despedimentosdos que executou 23– e ameazar co peche da fábrica.

a traballadora afirma que está “orgullosa de que me revoquen por suxerir que defendería ás miñas compañeiras”

O máximo accionista de Sargadelos xustificou os cesamentos amparándose na suposta intención da delegada da UXT de impugnar os contratos das persoas que entraron a traballar na fábrica de Cervo durante o último ano e medio -49-, ao entender que vulneraban dereitos laborais. “En ningún momento interpuxen ningunha demanda nin ameacei á dirección“, afirmou Mariña.

A EMPRESA REINCORPORARÁ PERSOAL

A traballadora perderá así a especial protección da que gozaba como representante sindical. A animadversión expresa do conselleiro delegado cara ela fai pensar nun despido inminente, aínda que a dirección anunciou que parará os cesamentos e incluso que readmitirá ás operarias que están na rúa.

a dirección asegura que parará os despedimentos pero condiciona esta folla de ruta “ao que faga uxt”

O conselleiro delegado sinala que a asemblea “tivo un resultado positivo e demostra que a nosa postura non é caprichosa”, e condiciona a folla de ruta de incorporar persoal “ao que faga UXT, que debeu tomar nota da votación”.

REPRESENTANTES DA UXT, VETADOS

A UXT anunciou que impugnará a asemblea ao considerar que se incorreu en “irregularidades”, logo de que a firma vetase a entrada a dous representantes do sindicato. Ademais, a propia Mariña, que foi apartada pola dirección da empresa -que lle condeceu un permiso retribuído de forma unilateral- desde case desde o principio do conflito, denunciou que as convocantes da xuntanza non lle deixaron dirixirse á audiencia que ía votar por mantela ou cesala no cargo.

o sindicato considera que o voto das traballadoras está condicionado pola ameaza de peche do conselleiro delegado

Fontes da UXT consideran que o resultado da asemblea está condicionado pola ameaza de peche realizada polo máximo accionista de Sargadelos e tutelada pola empresa, un punto que negaron en varias ocasións o grupo de operarias que forzou a asemblea.

As mesmas fontes referíronse ademais á posibilidade de que García cese a Mariña. “Haberá quen pense que Rogelia ten agora menor protección, pero neste país non se pode botar a unha persoa por ser sindicalista, igual que non se pode poñer na rúa a ninguén por ser negro ou homosexual. Que ninguén o dubide”, conclúen.

CC OO: “O RESULTADO NON É ACEPTABLE”

A situación pode dar outro xiro máis se cabe coa posición de CC OO, sindicato maioritario na factoría. Víctor Ledo, responsable da Federación de Industria da central, considera que, “sen deslexitimar á asemblea de traballadoras de Sargadelos”, o resultado “non é eticamente aceptable, dada a maneira na que chegamos ata a reunión deste venres“.

cc oo podería favorecer un novo proceso electoral e renunciar á súa maioría sindical

Deste xeito queda por ver que fará CC OO. O sindicato podería favorecer un novo proceso electoral, para o que tería que convencer ás súas delegadas de que dimitisen.

VINDEIRA SEMANA

Descartada polo maxistrado unha intervención cautelar no conflito, co xuízo previsto para o 21 de outubro, semella que a dirección de Sargadelos rebaixará a tensión. Da súa actitude respecto a Mariña e da reincorporación de traballadores dependerán tamén os movementos da UXT, que ameazou con levar o conflito á Fiscalía. A central podería buscar achegamentos, aínda que o sindicato e a súa delegada dificilmente retirarán as demandas interpostas contra a empresa e contra o conselleiro delegado.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...