Astilleros Gondán botou este luns en Figueras un remolcador rompexeos que operará no porto sueco de Lulea.

A embarcación, construída para realizar tarefas de escolta, asistencia ou remolque costeiro, será capaz de romper masas de ata un metro de xeo a unha velocidade de tres nos, segundo destaca a empresa que puxou por este contrato internacional en novembro pasado.

MOTOR HÍBRIDO

O buque estará equipado cun sistema de propulsión híbrido con motores diesel e xeneradores e batería de almacenamento de enerxía.

A empresa destaca que se trata da embarcación máis potente do mundo nas súas características. No seu comunicado apunta que o barco, de 36 metros de eslora, terá capacidade para remolcar unhas 100 toneladas.

O pasado mes de setembro, a compañía entregaballe a un armador noruego  unha embarcación construída para traballar en labores de mantemento en parques eólicos instalados en augas do Reino Unido.