O Museo de Arte Moderno de Nova Iork (MoMA) incluirá pezas de Sargadelos no catálogo de venta das súas tendas, segundo informou o grupo empresarial.

As MoMA Design Stores, expón a empresa nun comunicado de prensa, son “un templo do deseño e o bo gusto, donde todos os produtos expostos ou á venta son obxecto dunha selección exquisita”.

Por iso, asegura a dirección, que Sargadelos estea presente “é un orgullo para nós e tamén para Galicia”.

RESOLUCIÓN DA UXT

O Comité da Unión Provincial da Unión Xeral de Traballadores (UXT) de Lugo aprobou na pasada fin de semana unha resolución de apoio á súa afiliada Rogelia Mariña, sinalada pola dirección da firma e revocada como representante sindical pola asemblea de traballadoras da fábrica de Cervo.

O sindicato denuncia o “acoso” que padeceu a súa afiliada, “unha persecución que moi poucos seriamos capaces de aguantar”. A UXT asegura que a súa intención e a da súa asociada é que “Sargadelos sexa unha empresa que xere emprego de calidade e con dereitos”.