InicioEconomíaSargadelos agarda á asemblea e UXT deixa o conflito "nas mans dos...

Sargadelos agarda á asemblea e UXT deixa o conflito “nas mans dos xuíces”

Este venres non houbo despidos na planta de Cervo, pero unha solución pactada semella lonxana

Publicada o

- Advertisement -

Este xoves non houbo despedimentos en Sargadelos e segundo fontes do cadro de persoal foi o primeiro día tranquilo de traballo tralo pasado 17 de agosto, cando o conselleiro delegado, Segismundo García, anunciou 49 despedimentos. Sen embargo, a solución ao conflito laboral que desatou a dirección cando sinalou á delegada de UXT na factoría, Rogelia Mariña, semella lonxana.

As dirección da empresa e o sindicato dan por zanxadas as conversas. O conselleiro delegado, que estará de descanso uns días, mantén o seu veto á UXT en calquera tipo de negociación e despreza as tentativas de mediación da Xunta de Galicia. García parece fiar a súa estratexia á asemblea de traballadoras que está convocada para o 11 de setembro.

Na xuntanza, o mermado cadro de persoal de Sargadelos -a día de hoxe, 72 persoas– está chamado a votar para manter ou destituír a Mariña como representante das traballadoras. A sindicalista segue na casa, cun permiso retribuído concedido unilateralmente pola empresa.

Pola súa banda, a UXT tamén descarta posibles reunións. En declaracións recollidas pola axencia Efe, Eladio Quelle, secretario de UXT-FICA (Federación de Industria, Construción e Agro) na Mariña Lucense, asegurou que “non hai ningunha novidade neste caso” e que “xa dixemos todo o que tiñamos que dicir. Que falen os xuíces ou quen teña que dicir algo”, concluíu.

Á ESPERA DO XULGADO

O sindicato segue á espera da decisión do Xulgado do Social nº 2 de Lugo, que ten sobre a mesa unha solicitude de tutela xudicial, argumentada na “indefensión” sufrida pola sindicalista da UXT e polo cadro de persoal, coa execución de 21 despedimentos dos 49 anunciados. En breve, o xuíz recibirá tamén as alegacións por parte da empresa.

A UXT espera que haxa algunha novidade neste ámbito a semana que vén, pero se o Xulgado decide non intervir en Sargadelos de forma cautelar, a solución podería alongarse máis dun mes. A situación, con todo, semella complexa.

Aínda se a asemblea destitúe a Mariña e dese xeito satisfai o desexo do conselleiro delegado, os despidos poderían ser impugnados por improcedentes. Sargadelos e o  propio García terán que afrontar cadansúa demanda, e o dirixente admite que a razón dos cesamentos non é a falta de traballo nin a situación económica da empresa, senón a súa intención de rebaixar “a presión sindical”.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...

Un equipo especializado da Garda Civil traballa para determinar as causas do incendio do Valadouro

Un equipo especializado de investigación de incendios da Garda Civil, con sede na cidade da...