Investigadores de diversos eidos veñen estudando o potencial que ofrecen as augas galegas e a industria do país para a instalación de parques eólicos mariños ou flotantes en Galicia.
Científicos da Universidade da Coruña traballan nunha metodoloxía que permita determinar as áreas máis axeitadas para a instalación dun parque eólico mariño, para obxectivar a súa viabilidade económica e reducir o impacto medioambiental. A maior franxa sen restricións atópase fronte ás cidades de Ferrol e A Coruña. No tocante á Mariña Lucense, hai pequenas zonas nas que se poderían realizar muíños de mar.
Non é a primeira vez que a bisbarra soa para este tipo de iniciativas: investigadores das universidades de Santiago de Compostela e Plymouth (Inglaterra) propuxeron para Burela outra alternativa de renovables mariñas: a creación da primeira granxa de ondas en Galicia para explotar a enerxía undimotriz.
Podes consultar o reportaxe completo de Alberto Quián nesta ligazón do Galicia Confidencial.