EFE. O secretario xeral da Confederación de Empresarios de Lugo (CEL), Jaime López, explicou que a patronal lucense, en colaboración coa Federación Provincial de Asociacións de Veciños de Lugo, está tratando de introducir no debate político a necesidade de que esta provincia conte cunha autoridade portuaria propia.

En declaracións a Efe, López recordou que Lugo é provincia marítima, de modo que a consecución dunha autoridade portuaria propia que xestione os recursos obtidos polas súas infraestruturas é “unha reivindicación histórica da CEL”.

Segundo López, estamos no momento “oportuno”, dado que existe na provincia ?moita preocupación pola situación actual de Alcoa“, tendo en conta de que se trata “dunha multinacional” e a súa “permanencia no noso territorio” vai depender de “criterios económicos“.

Á PROCURA DE CAPTAR “TRÁFICO MARÍTIMO”

Ademais, cunhas eleccións xerais ás portas, a CEL entende que tamén é o momento “oportuno” para “conseguir o compromiso dos políticos” con esta causa.

Ao seu xuízo, a provincia de Lugo ten que ter un “plan B” e ter á súa disposición unhas “infraestruturas que poden captar tráfico marítimo e obter recursos“, que despois poderían ser investidos en obras “de conservación e mellora”.