A Organización de Produtores Pesqueiros de Lugo (OPP-07), en colaboración coa Cooperativa de Armadores de Pesca do Porto de Vigo (Arvi), impulsaron a través da Confederación Española de Pesca (Cepesca) un taller internacional sobre a xestión pesqueira dos tiburóns que se celebrou en Bruxelas.

Asistiron ao encontro Juan Arístegui Laborde, embaixador representante permanente adxunto de España ante a Unión Europea (UE); Ramón de la Figuera, subdirector xeral do Ministerio de Agricultura e Pesca, Alimentación e Medio Ambiente (Mapama); Raúl García, coordinador de pesquerías de WWF España; Javier Garat Pérez, secretario xeral de Cepesca e presidente de Europêche; Monica Barone, da Food and Agriculture Organization (FAO); e Anders Jessen e Jorge Rodríguez Romero, da Comisión Europea.

O acto tivo como obxectivo sensibilizar a representantes das institucións europeas e nacionais, ONGs e organizacións pesqueiras sobre as características e problemas desta pesquería de palangre de superficie, unha das artes de pesca máis selectivas, que tenta evitar as capturas accidentais de aves, tartarugas ou outras especies prohibidas.

DEGUSTACIÓN

Ao remate, a OPP Lugo ofreceu una degustación con diversas receitas: marraxo en adobo e cebiche de marraxo, e chateau e fideuá de caella.