InicioEconomíaAcisa ensinará aos nenos as vantaxes do comercio local

Acisa ensinará aos nenos as vantaxes do comercio local

Os pequenos ribadenses, de tres anos en diante, comprobarán a calidade dos produtos ou o trato do comercio de proximidade

Publicada o

- Advertisement -

A Asociación de Comerciantes, Industriais, Servizos e Autónomos de Ribadeo (Acisa) organizará o vindeiro sábado Xoga e aprende con Acisa‘, un obradoiro de aprendizaxe sobre o comercio local dirixido a nenos e nenas a partir de tres anos. A actividade, de balde, celebrarase de 11.30 a 14.00 horas no centro de ocio infantil Con Sentidiño.

ULIR, TOCAR

Ao longo da xornada lúdica e educativa, os nenos e nenas sairán á rúa para visitar distintos comercios de Ribadeo. Así, observarán de primeira man as vantaxes de mercar no comercio local. Nas tendas poderán ulir, tocar e comprobar a calidade dos bens que consumen, algo imposible de facer por internet.

MERCADO

Ademais, no centro disporase un mercado para que os nenos xoguen a mercar e vender, de xeito que podan comprender a importancia de tratar ben aos clientes, un trato que proporciona como ningún outro o comercio de proximidade. Tamén haberá xogos referentes ás compras por internet, que servirán para entender as vantaxes e desvantaxes que ofrece esta posibilidade.

“DIVERTIRSE E APRENDER”

O presidente do colectivo de comerciantes, Francisco Iriarte, sinala que o fin do taller “é ensinar aos máis pequenos a importancia de mercar no comercio local e as diferenzas que supoñen apostar por negocios de proximidade. Grazas aos profesionais do centro infantil, a actividade será dinámica, divertida e dará a oportunidade aos participantes de aprender moito sobre o comercio local”.

Acisa convida “a todos os pais e nais a levar aos seus fillos, xa que se divertirán á vez que aprenden, e ademais poderán gozar dunha mañá sen preocuparse polos pequenos da casa”.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...