InicioEconomíaQue pasaría se pecha o comercio local de Viveiro?

Que pasaría se pecha o comercio local de Viveiro?

Cen negocios simularán que cerran nunha campaña "chocante" do Centro Comercial Histórico

Publicada o

- Advertisement -

Os escaparates dos negocios asociados ao Centro Comercial Histórico de Viveiro amencerán este xoves coas luces apagadas e empapelados, coma se tivesen pechado. É unha das medidas que impulsará a asociación de comerciantes viveirense dentro dunha campaña para reivindicar o comercio local. O empresarios pretenden impulsar unha iniciativa “chocante” e simularán así un pobo sen comercio, servizos nin hostalería.

PARTICIPARÁN MÁIS DE CEN NEGOCIOS

Participarán máis de cen tendas e establecementos, pertencentes a diferentes sectores: textil, alimentación ou hostalería. O obxectivo é mostrar á veciñanza a capacidade do pequeno comercio para crear emprego e dar vida ao municipio, a partir de organizar actividades durante todo o ano ou colaborar coas festas e cos eventos que realizan asociacións e clubs.

a intención é visibilizar a capacidade da pequena empresa para crear emprego e dar vida ao municipio

Os protagonistas pretenden chamar a atención sobre todos os factores que inflúen na viabilidade do comercio local. Así, non só pretenden apelar a quenes compran nas tendas senón tamén aos donos que pretenden alquilar baixos comerciais con prezos elevados.

PREZOS ASEQUIBLES

Ademais, o colectivo quere cuestionar a idea de que mercar no comercio local é máis caro. Resalta que as pequenas empresas fixeron un esforzo por ofrecer un servizo profesional e asequible para persoas con distintas posibilidades en canto ao poder adquisitivo.

A agrupación de empresarios lanzou xa unha campaña anterior para visibilizar a importancia do comercio local. O pasado mes de marzo puxo en marcha ‘30 días 30 motivos‘, que a través dunha serie de carteis publicados nas redes sociais, destacábanse as vantaxes de mercar no pequeno comercio. No último cartel plantexábase a pregunta: ‘Que pasaría se deixasemos morrer o comercio de Viveiro?’. Este novo plan ofrece a resposta: perda de emprego, rúas baleiras e sen vida.

ÚLTIMAS

Morre tamén a nai da falecida no incendio do Valadouro

A muller de 77 anos trasladada ao Hospital da Mariña polas feridas sufridas no incendio...

ACISA Ribadeo anima ás empresas locais a unirse ao Bono Activa Comercio

Acisa anima ás empresas locais a adherirse ao Bono Activa Comercio da Xunta....

A CAMOVI de Viveiro será unha homenaxe a Ramón Blanco na edición deste ano

O Concello de Viveiro será esta próxima fin de semana o escenario dunha nova...

O sábado 20 de abril comeza a XVII Edición de Ribadeo de Tapeo

Este sábado, 20 de abril, dará comezo o XVII Ribadeo de Tapeo, un dos...