O comité de empresa de Alcoa en San Cibrao, en Cervo, traslada un informe económico-financeiro sobre Ignis EQT –elaborado pola sección de industria de CC.OO.– xornadas antes de celebrar unha asemblea xeral de traballadores.

O informe estuda a evolución máis recente da empresa –coa que a multinacional do aluminio asinou un acordo relativo á planta da Mariña– utilizando os balances e as contas de resultados dos exercicios contables máis recentes –en concreto as de 2023–.

Cun resultado positivo que “garante a viabilidade do proceso produtivo”, a continuación CC.OO. advirte de que “chama poderosamente a atención (…) que realice unha doazón de 400.000 á Fundación da Cidadanía Global da cal é presidente a Administración Único”. E é que iso “provoca que o exercicio económico de 2023 peche con perdas de 129.767 euros”.

Esta semana, o presidente do comité, José Antonio Zan, charlou brevemente co rei Felipe VI e a raíña Letizia durante a súa visita a Burela e pediulles visitar a planta de San Cibrao como fórmula para impulsar a procura dunha solución para a factoría.