A presidenta da Mancomunidade de Concellos da Mariña Lucense, Rocío López, presentará oficialmente a campaña turística A Mariña Latexa Contigo aos veciños e veciñas dos concellos da Mancomunidade.

No decurso do acto entregaranse tamén as distincións SICTED aos 13 establecementos e servizos recoñecidos no último ano. Ao remate haberá un petisco para os convidados e convidadas que elaborará e servirá o alumnado do ciclo medio de cociña da oferta modular e do ciclo medio de servizos do FP de Hostalería do IES de Foz.

Intervirán: a presidenta e vicepresidenta da Mancomunidade, Rocío López e Ana Ermida; o alcalde de Foz e deputado da Área de Recursos Sostibles, Fran Cajoto; o delegado territorial da Xunta en Lugo, Javier Arias; e a subdelegada do Goberno en Lugo, Isabel Rodríguez.