A Xunta de Persoal do Distrito Sanitario da Mariña rexeita as declaracións efectuadas polo xefe de Pneumoloxía do Hospital Universitario Lucus Augusti (Hula), Luís Pérez de Lallo, nas que asegura que hai “baixistas” profesionais entre os facultativos.

Así, nun comunicaco a Xunta de Persoal do Distrito Sanitario da Mariña mostrou o seu apoio “a todos os profesionais de atención primaria e atención hospitalaria e rexeita as declaracións e moi graves acusacións do Xefe de Pneumoloxía do HULA”.

Desde a Xunta de Persoal anuncia que vai estar sempre co sistema sanitario público galego, “esixindo que se respecte a profesionalidade dos traballadores e traballadoras, que se ofrezan unhas condicións de traballo dignas”. Ademais, reclaman unha dotación de recursos necesarios para manter “un sistema imprescindible para unha sociedade democrática que poida dar servizo de calidade a todas as persoas, sen deixar a ninguén atrás”.